K6: HIRUGARREN ENTSEGUA

Arratsalde on guztioi! Sarrera honen bidez, K6 modulu-lanaren hirugarren saiakerari buruz hitz egingo dut.

Ostiral honetan gimnasioan hirugarren aldiz entseatzeko aukera izan dugu. Gehien aprobetxatu dugun eguna izan da. Gurekin egon den irakaslea Ainhoa izan da. Bere espezialitatea arte plastikoak eta bisualak dira; horregatik, aktan jasotzeko aukera izan dut, argien, instalazioen eta atrezzoaren inguruan eman dizkigun aholku guztiak. 

Ainhoa material plastiko guztia prestatzen ikasgelan lanean ikusi digu. Dena jaisteko esan zigun, entseatzeko eta obran nola geratzen den ikusteko. Horregaitik joan ginen material guztia jasotzera eta gimnasioan prestatu dugu.

Lehenik eta behin fokuak, instalazioa eta proiektorea jarri ditugu. Proiektorea jarri dugunean konturatu gara irudia txikiegia islatzen zela. Ainhoak proiektorearen azpian hiru adreilu jartzeko aholkatu zigun, irudia altuago proiektatzeko. Noski ahulku hau apuntatu dudala aktan.

Jarraian Ainhoak gertokian kable gehiegi genuela esan zigun. Ez gaitzan gogaitu eta estetikoki hobeto geratzeko, paper zuri handi batekin estaltzea aholkatu zigun. Ideia bikaina iruditu zait, gure gai nagusia papera delako eta kableak disimulatu egiten direlako.

Lehen eszenari dagokionez, Ainhoak ikusi zuen nola geratzen zen marraztu genuen atzeko irudia (haurren gela). Errotuladoreak eta lerro zuzenegiak ditu. Berarentzat, irudia oso pobrea geratzen da. Behin eta berriz errepikatu zigun teknika bera erabiltzea obrako gauza guztiak marrazteko. Teknika hori pintzel lodiarekin eta lerro perfektua izan beharrik gabe erabiltzen da. Gainera, gure marrazkian lampara bat eta koadro bat daude hondoan, eta horiek kentzea hobe zela komentatu zigun. Beste aholku batzuk eman zigun haurren logela hobetzeko: Oheak logelako lerroekiko paraleloan egon behar dira baita gimnasioko ohial beltzetatik gertuago egon behar dira ere. Azkenean, marrazkia bista zenital bat eduki behar zuen (Spiderman moduan), horrela protagonisten buruen azpian burukoak ikus daitezke.

Lehen irudi aholkuak amaitu ondoren, jarraito ginen entseatzen. Hurrengo arazoa lehen trantsizioan agertu zen. Haurrak lo geratzen direla eta "paperezko amets" batean sartzen direla irudikatzeko, Stop Motion bat erabiltzea aholkatu zigun, paper bat zimurtzen ikus daiteke. Horregaitik Power Point aldatu behar dugu.

Haurrak "paperezko ametsan" esnatzen direnean instalazio osoa oihal beltz handi batekin estalita egoten da. Oihala altxatu eta haurrak instalazioa (paperezko itsasontziak) ikusten dituzte. Eiderrek gomendatu zigun bezala, Ainhoak esan digu dantza edo dramatizazio txiki bat eginez atera dezakegula oihala; modu horretan denbora irabazten dugu, eta estetikoki garbi geratzen da.

Olatuak egin behar ditugun unean, aurreko entseguan bezala, mugimenduek askoz motelagoak izan behar dute, eta protagonistek ontzia hondoratuko balitz bezala jokatu behar dute. Ekaitza denez, olatuek mantsoago eta azkarrago joan behar dute. Gauza ona da Ainhoarentzat paper urdinaren eta paper zuriaren arteko kontrastea ondo geratzen dela. Gainera, ez dugu hondoko soinurik jarri behar, paperaren soinua ondo geratzen da.

Bestalde, pirata agertzen den unean, hainbat zuzenketa izan ditugu:

Lehenik eta behin, piratak haurrak itsasontzira igotzera gonbidatzen dituenean garbiago egin behar dugu (1,2,3 bradford erabiliko dugu). Nabigatzen hasten direnean eta eszenatik desagertzen direnean (itzalak islatzen diren unean), kanpoan gauden pertsonok paper zuri handia sartu behar dugu, ondoren paperezko ontzia zuzenean egiteko erabiliko dena.

Bigarrenik, fondoa aldatu behar dugu protagonistak eszenara itzultzen direnean. Eszenan uharte bat proiektatu behar da. Ainhoak kolore horiekin jokatu behar dugula esan digu, hau da, hondoko irudiak ehuneko 80 hondarra (horia) izan behar du eta ehuneko 20 zerua (urdina). Pertsonaiek lur irmoa zapaldu dutela irudikatzeko. Aholku hori dagoeneko aldatu dugu, eta gure power point-ean sartu dugu; hemen ikusten da:

Behin uhartean, haurrek esperimentatzen eta paperarekin jolasten hasi behar izaten dute. Orduan hasten da pirata azaltzen nola erabili behar duten papera ontzia egiteko. Ainhoak itsasontzia zuzenean egiteko koreografia bat egiteko aholkatu digu. Azkenean, itsasontzia bukatuta dagoenean, pirata eszenatik joaten da.

Behin paperezko ontzia amaituta, haurrak bertan sartu eta euren gelara bueltatzeko bideari ekingo diote. Une hau oso garrantzitsua da, eta trantsizio berri bat egin behar dugu. Haurrak beren gelara itzultzen direnean, berriro agertuko dira beren oheetan. Une hori irudikatzeko, paper zimurtuaren Stop Motion erabiliko dugu berriro (baina alderantziz). Modu horretan "paperezko ametsa" amaitu dela irudikatuko dugu.

Antzezlanaren amaiera umeekin amaitzen da, ustekabean euren oheetan agertuz. Beren oheetan sartuko dira agertokiaren atzeko aldetik. Ideia hori asko gustatu zaio Ainhoari.

Amaitzeko, esan behar dut oraindik pentsatu behar dugula nola gonbidatuko dugun publikoa obran parte hartzera. Obra hasi aurretik publikoari paperezko ontzi bat ematea pentsatu dugu. Bestalde, bakoitzari folio bat ematea pentsatu dugu, eta haurrek ontzi handia zuzenean egiten duten unean publikoak bere folioarekin berea egitea beraiekin. Kunarten esaten ziguten bezala, publikoaren parte-hartzea oso inportantea da. Horregatik, argi izan behar dugu nola egin nahi dugun publikoa gure obraren protagonista izatea.

Sarrera honekin amaitzeko, hausnarketa modura, gure prozesuaren amaieran gaude. Hiru entsegu horietan ikusi ditugu gure akatsak, baina baita gure hobekuntzak ere. Lehen egunetik azken egunera asko aurreratu gara. Nola hasten garen eta nola bukatzen ari garen ikusita, harro senti gaitezke egiten ari garen ahalegin guztiaz.

Beste aldetik, irakasleek eman dizkiguten aholku guztiak eskertu behar ditugu. Saiakera honetan, Eiderrek esan zizkigun aholkuak aplikatzen saiatu gara, eta gauzak askoz hobeto joan zaizkigu. Orain Ainhoak eman dizkigun aholku estetiko guztiak aplikatu behar ditugu.

Azkenik, esan behar dut, lehen entsegua estresatu egin nintzela. Ezin izan nuen gozatu, obra oraindik oso berde zegoelako. Une honetan esan dezaket, prozesuaz gozatzen hasten naizela, gauzak hobeto ateratzen zaizkigula ikusten ari naizelako. 

Hala ere, oraindik gauza asko ditugu hobetzeko. Datorren asteko ostegunean azken obra antzetu behar dugu, baina oraindik bi entsegu geratzen zaizkigu obra hasi aurretik.

Honekin guztiarekin, motibatuta eta lan egiteko gogoz sentitzen naiz; amaiera hurbiltzen ari da!

Gure obra ikusita publikoak sentituko duen emozio kopuru handian pentsarazten didan hitzordu batekin amaitu nahi nuke:

"Es necesario promover que las personas puedan vivir su emocionalidad, respetando la manera personal de vivirla que pueda tener cada uno" (Camino et al. or.23, 2015)

"La escuela de Atenas" (Rafael, 1510)

ERREFERENTZIAK:

Camino, I., Zelaieta, E., Alvarez-Uria, A., y Tresserras, A. (2015). Un reto innovador en la formación inicial del profesorado de Educación Infantil: la obra teatral Kubik. Profesorado. Revista de Currículum y Formación de Profesorado, 19(2), 429-440.

Tresserras, A. (2017). Aportaciones a la formación del profesorado a través del análisis de una experiencia de arte y juego dramático en el primer ciclo de Educación Infantil. Tesi Doktorala. Euskal Herriko Unibertsitatea.

K6: BIGARREN ENTSEGUA

Arratsalde on guztioi!

Sarrera honetan K6aren bigarren entseguaz hitz egingo dut.

Lehenik eta behin, gure eszenografia prestatzeari ekin diogu: fokuak, argiak, proiektorea eta instalazioa jarriko ditugu. Konturatu gara beste bi foku jarri behar ditugula agertokiaren atzeko aldean; modu horretara, itzalen bidez islatuko da antzezlaneko protagonistek egiten duten guztia. Metafora gisa balioko du, denboraren joana obran irudikatzeko.

Jarraian, obra irudikatzen hasi ginen. Oraingoan gurekin zegoen irakaslea Eider zen. Antzeteko eta dramatizatzeko feedback on bat jasotzeko aukera genuen, Eiderren espezialitatea delako.

Lehenik, Eiderrek "asmatutako hizkuntza" gehiago faltsutu behar genuela aholkatu zigun, benetan ari bagina bezala jokatzeko esan zigun. Halaber, bere irakasgaian landu genituen tekniketako batzuk erabiltzeko aholkatu zigun, hala nola 1,2,3 bradford. Gainera, instalazioa estaltzen duen sabana beltza dantza txiki bat egiteko erabiltzea aholkatu zigun.

Eiderrek eman zizkigun aholkuen laburpena egin aurretik, hauxe da bigarren aktan jaso genuen zerrenda:

• Dena mantsoago egin, batez ere arraunean egiteko orduan.
• Lo egiteko jarrera, ez oinarritu kartoian. Gainera, interesgarria da bakoitzak jarrera ezberdina izatea.
• Haurrak esnatzeko modua gehiago faltsutzea.
• Jolasean ari direnean beste foku bat piztu, aurpegiak gehiago ikus ditzaten.
• Beldurtu edo harritu egiten direnean "zirrikitu" bat egitea
• Itsasontziekin esperimentatzen dutenean, 5 zentzumenak aprobetxatu (probatu, usaindu, entzun...). Ez dira itsasontziak pentsatzea ez dakigula zer den.
• Lehen garbiketa (oihala agertokitik ateratzea) modu teatral batean egitea. Oihala ateratzea olatu bat balitz bezala balia daiteke, edo dantza motaren batekin.
• Dantza edo dramatizazio txiki bat egitea oihalarekin.
• Agertokiaren atzeko aldetik arraunean, mugimendua ondo egin behar da, desberdin ikusten delako.
• Nekea arraunean integratzea.
• Olatuaren mugimendua hobeto eta gorago koordinatu behar da. Paper urdina patxadarako eta zuria ekaitzerako..
• Itsasontzia erortzen denean, itotzeko eginarazi, erabiliko diren irudi izoztuak bilatu. Nola izoztu behar diren erabakitzea.

Ekitaldi ezberdinen inguruan hitz egin aurretik, garrantzitsua da antzezlanaren helburu nagusia papera dela esatea.

Lehen ekitaldia bi haurrekin hasten da eszenan. Haien logelan daude, oheetan lo. Esnatzen direnean paperezko ametsa hasten da, paperezko itsasontziaz inguratuta nola dauden ikusten dute (instalazioa). Jarraian, paperezko itsasontziak esploratzen hasten dira zentzumenen bidez (probatu, usaindu, entzun…), itsasontziak direla jakingo ez balute bezala. Konturatu gara beste foku bat jarri behar dugula esparemintatzeko orduan, haien aurpegiak obeto ikusteko.

Eszena hau amaitzen denean trantsizio garbiagoa egin behar dugu. Eiderrek eman digun aholkua da dantza baten bidez instalazioa estaltzen duen sabana beltza ateratzea. Bestalde, sabana ateratzen dugunean, haurretako batek itsasontzi handia hartu eta eszenara ateratzeko unea da. Ikusi dugu, itsasontziak eszena ateratzen duenean haurrek mugimendu motelagoak egin behar dituztela eta jolasteko aprobetxatu (jolas sinbolikoa eginez).

Bestalde, haurrek eszena atzean daudenean, mugimenduek puztuagoak izan behar dira, publikoak bakarrik itzalak ikusten dituelako.

Bigarren ekitaldian olatuak egin behar ditugu paper zuri eta urdinarekin (kanpoan gauden pertsonak), Eider esan zigun mugimenduak koordinatuagoak eta indartzuagoak izan behar zirela. Ondoren, olatu batek umeak jango ditu eta hondoratze bat jasango dute: kasu honetan, paperaren mugimenduak are koordinatuagoa izan behar du eta pertsonaien interpretazioak itotzen ari direla eman behar du.

Jarraian, Pirata agertzen da eta haurrak laguntzen du bere itsasontzian igotzen. Jarduera hau 1,2 bradford batekin egingo dugu (Eider lagundu zigun). Geroago, pirataren itsasontzian nabigatzen dute haurrak eta pirata, horretarako atzeko partean (itzalen bitartez) bidaia irudikatzen da. 

Behin bidaia bukatuta, hiru pertsonaiak eszenarioan agertzen dira berriro. Momentu honetan eszenarioa lurra irudikatuko du (proiektorearen bidez, uharte bat proiektatuko da). Jarraian haurrak Piraten laguntzarekin paperezko itsasontzi handi bat egin behar dute (jolasten eta zuzenean). Eider beste aholku bat eman zigun: "La gran evasión" filmeko abestia jar genezakeen pertsonaiek paperezko itsasontzia egiten duten bitartean.

Azken hausnarketa gisa, asko hobetu dugu azken entsegutik. Hala ere, oraindik gauza asko ditugu aldatzeko, eta Eiderrek eman dizkigun aholkuak aplikatzen hasi behar dugu. Eszenatokiko atrezzoa ere bukatu behar dugu, eta irudiak proiektatzeko erabiliko dugun ppt behin betiko amaitu.

Entsegu hau aho-zapore hobearekin amaitu dut. Badirudi gauzak argiago ikusten hasi direla. Egia da oraindik lan asko dugula aurretik, baina azken alditik hobetzea lortu ditugun gauzak ikustea motibatzen nau. Horregatik, gogor jarraitu behar dugu lanean. Hau prozesu bat da, eta konturatu naiz egunetik egunera ideia berriak eta hobetzeko proposamen asko ditugula. Goazen guztien bila!

Bukatzeko, esan behar dut, tranzisioak oraindik hobetu behar ditugula. Hurrengo entsegua Ainhoarekin daukagu, eta ziur alde horretatik bere aholkuak oso lagungarriak izan direla.

Sarrera hau amaitzeko, Tresserras (2017) Vincent Tomas aipatzen du eta nik ere aipatu nahi nuke. Gogor lan egitea gauzak ondo ateratzeko modu bakarra dela pentsarazten dit:

"Escribir y escribir, pulir y pulir hasta que el artista mira lo que ha estado haciendo y dice: esto es lo que yo quería decir". (Vincent Tomas, or.94, 1964)

ERREFERENTZIAK:

Tresserras, A. (2017). Aportaciones a la formación del profesorado a través del análisis de una experiencia de arte y juego dramático en el primer ciclo de Educación Infantil. Tesi Doktorala. Euskal Herriko Unibertsitatea.

K6: LEHENENGO ENTSEGUA

Kaixo kaixo!

Eguna iritsi da! Sarrera honen bidez komentatuko dut eta hausnarketa txiki bat egingo dut k6 lan modularretik egingo dugun antzerkiaren gure lehen saiakerari buruz.

Asteazken honetan izan dugu gure lehen entsegua gimnasioan egiteko aukera. Judit izan da lehen entsegu honetan behar genituen material guztiak jartzen eta aukeratzen lagundu digun irakaslea. erabiliko ditugu, fokuak, argi beltzak, proiektagailu bat...

Bestalde, plastika klasean gure antzerkirako behar dugun atrezzoa prestatzen aritu gara. Hau da, erabili nahi dugun instalazioa, pertsonaien jantziak, proiektagailuen bidez jarriko ditugun funtsak, pertsonaientzat behar ditugun objektuak, etab. Esan behar dut, denbora gehiago eskaini behar diogula material hori guztia prestatzeari konturatu garela. Ezin izan dugu entsegu osoa aprobetxatu materiala falta zitzaigulako. Hala ere, aprobetxatu dugu obran behar genuen material elektrikoa aukeratzeko, gimnasioko neurriak hartzeko eta gure interpretazioak entseatzeko.

Martxan jarri ondoren, gure gidoia entsaiatzen hasi gara hasieratik. Egia esan, ezin izan ditugu ekitaldi guztiak egin, denbora gutxian obra gelditzen joaten ginelako egokitzapenak egiteko.

Juditek emandako aholkuei dagokienez, hainbat gauza aipatu zizkigun: gehien harritu gaituena, oso antzerki laburra iruditu zaiola; gure iritziz ez da horrela, baina lehen entsegua zenez, oso azkar jardun dugu, eta gauzak behar luketen baino azkarrago joan dira (gu ere urduri geunden, eta oraindik testuinguruan jartzen).

Esan dudan bezala, behar genuen material guztiaz ere konturatu ginen, eta ni arduratu nintzen apuntatzeaz; falta zitzaizkigun: ankla bat, katalejo pirata bat, piraten itsasontzia eta pertsonaien arropa. Gainera, paperezko itsasontzi gehiago behar genituen, gure instalazioa egiteko.

Azkenik, bakoitzak egin behar zituen lanak hurrengo entseguan banatzea erabaki genuen. Pailin, Lucia eta Ibone arduratuko dira pertsonaiak antzezteaz. Besteok arduratuko gara beste gauza batzuk egiten: argi lanak, musika ipintzea, materialak jarri, pertsonaia bakoitzari beharrezko materiala emateaz arduratu, eta abar. Ni adibidez argiko lanekin arduratuko naiz, eta entsegu bakoitzaren aktak egiteaz gain.

Bukatzeko, sarrera honekin amaitzeko, hausnarketa gisa, uste dut lehen entsegu honek oraindik aurretik dugun lan guztiaren berri emateko balio izan digula. Egia da gogor ari garela lanean, baina oraindik pixka bat ahul ikusi dut gure obra.

Bestalde, azken obra izango den leku berean entsaiatzea ahal izatea (gimnasioan) zortea dela uste dut. Testuingurua jartzen eta hobetu ditzakegun gauzak ikusten lagundu digu.

Azkenik, gure lehen entsegua izan da eta oraindik hobetzeko denbora dugu. Pazientzia izan behar dugu, eta lanean gogor jarraitu (orain arte bezala). Edu Zelaietak esaten zigun bezala "Basque Misreadings, prozesua luzea da, eta gainditu behar dugun krisiaz beteta dago.

Alde positibo gisa, lehen entsegu honek lagundu digu konturatzen dagoeneko helburu argi bat dugula eta bidearen amaieraren argia ikusten hasi garela.

Alaitzen esaldi batekin amaitu nahiko nuke. Motibatu egiten nau gure obra dramatikoan lanean jarraitzeak, eta gure prozesuaren protagonista sentiarazten nau.

"En la ‘Expresión Dramática’, quien participa es protagonista de la propia exploración escénica con el objetivo de expresar y de comunicar." (Tresserras, 2017, p. 122)

ERREFERENTZIAK:

Tresserras, A. (2017). Aportaciones a la formación del profesorado a través del análisis de una experiencia de arte y juego dramático en el primer ciclo de Educación Infantil. Tesi Doktorala. Euskal Herriko Unibertsitatea.

ZORTZIGARREN ASTEA: IMANOL JANICES, AKROSPORT

Praktikak hasi baino lehen gure azkeneko saioan Imanol Janices, gorputz hezkuntzako irakasle batek, guri hitzaldi bat ematera etorri da. Berak bere eskolan egiten duen “Akrosport” proiektua azaldu digu.

Hasteko, nola sortu zen proiektua azaldu zigun. Imanolek, kirola eta artea lotura bat izan behar zutela pentsatu zuen. Horregaitik, DBHko neska mutilekin, musikala bat sortu behar zuela pentsatu zuen.

Hasieran proiektua garatzea zaila izan zen, baina gaur egun, zazpi urte daramate proiektu honetan lan egiten eta arrakasta asko izan du; urtero jende gehiagok joaten da proiektu hau ikustera.

Geroago, esan behar dut, haurrak prestatzen dituzte musikaleko parte guztiak, hau da, gaia, gidoia, pertsonaiak garatu, koreografia sortu, abestu, soinu diseinua, argi diseinua, eszenografia eta materiala garatzen dituzte. Imanolek bakarrik laguntza ematen die eta gidatzen die azken produktua sortzeko. Ideia hau izan da gehien gustatu zaidana, neska mutilak autonomia garatzen dituztelako.

Haurren inplikazioa ezinbestekoa zela azaldu zigun Imanolek. Horretarako, egunero neska mutilak jolas orduetan entsaiatzen dute; honek proiektua egiteaz poz pozik daudela dio.

Bestalde, esan behar dut, Imanolen azalpenak oso argiak izan zirela. Imanolen proiektua oso berritzailea zen eta prozesu hauetan kreatibitatea ezinbestekoa da. Horregaitik, irakasle hau kreatibitate sorkuntzari buruz hitz egin zigun. Harentzat prozesu sortzaileak irregularrak dira, egun batean ideia azko dauzkazu eta beste egunetan ez hainbeste. Nire ustez, azalpen hau oso baliogarria izan zen, gu K6 proiektuan prozesu sortzaile batean gaudelako baita ere, pazientzia eduki behar dugu eta prozesuen ideia guztiak ordenatu beharko ditugu.

Bukatzeko, esan beharra daukat, erakusketa hau asko gustatu zaidala. Imanolek estrategia asko eman zizkigun. Lan kooperatiboaren garrantziaz, motibazioaren garratziaz edo prozesuen zailtasunen garrantziaz hitz egin zizkigulako.

Oso gustora sentitu nintzen eta azalpenak asko gustatu zitzaizkidan, egun batean Imanol bezala irakasle hain ona izatea espero dut.

ITZALEN ETA ARGIEN AURKEZPENAK

Gaurko saioa oso dibertigarria izan da. Pasaden ostiralean prestatu genuen aurkezpenak aurkeztu egin ditugu.

Lehenik eta behin azkenen ukituak prestatu ditugu. Geroago, talde bakoitzak bere antzezpenak garatu egin ditu.

Nire taldea hasi zen itzalen antzezpena egiten. Horregaitik, “Loti ederraren” istorioa antzeztu dugu. Beste taldea, estereotipo sexisten istorio bat antzeztu digute, oso istorio desberniak izan dira, baina nire ustez biak oso interesgarriak; aniztasuna beti ona da.

Bestalde, argi fosforeszente aurkezpenak garatu ditugu. Esan behar dut, beste taldeak egin zenuen antzerkiarekin flipatu egin nuela. Oso polita iruditu zitzaidan. Gure kasuan, ez zuen hain ondo atera, baina oso jarduera polita iruditu zait.

ZAZPIGARREN ASTEA: ARGI KUTXEN AURKEZPENAK

Gaurko klasean argi kutxen aurkezpenak egin ditugu. Bikote bakoitzak bere istorioak kontatu ditu denon guztion aurrean. Halaber, irakasleak bideoan grabatu zaigu.

Esan beharra daukat, orain arte prestatu dugun gehien gustatu zaidan jarduera izan dela. 

Nire kasuan, Naiara argi kutxako pertsonaiak erabili ditu eta nik istorio kontatu dut. Bestalde, haurrekin egiteko oso praktika polita dela pentsatzen dut. Klase osoa arretarekin entzun zaigu interes handiarekin, umeek askoz gehiago gozatuko luketela imajinatzen dut.

ARGIAREKIN ESPERIMENTATZEN

Ostiral honetan gaixorik egon nintzen, baina nire klaseko lagunak kontatu zidaten zer egin zenutena.

Hasteko, bi taldeetan banatu ziren. Talde bat hasi zen itzal beltzekin dantza bat prestatzen. Dirudienez zailtasun asko eduki dituzte dantza hori prestatzeko. Batzuetan oso zaila da taldeka lan egitea, baina maizu bezala taldean lan egiten jakin behar dugu.

Bukatzeko, argi itzalekin hasi ziren antzerki bat prestatzen. Loti ederraren ipuina aukeratu zuten antzezteko. Askoz hobeto garatu zuten jarduera hau, denon artean kolaboratu zuten.

SEIGARREN ASTEA: ARGI KUTXAK

Gaurko saioan marko teorikoaren feedback bat eduki ditugu. Naiara eta biok, marko teoriko osoa aldatu egin behar dugu, gauza batzuk gaizki egin ditugulako.

Geroago, denbora eduki ditugu gure argi kutxakin lan egiteko. Lehenik eta behin zein istorio kontatuko dugun gure argi kutxekin aukeratu dugu. Irakasleak ipuin asko ekarri ditu klasera, Naiara eta biok “Hutsune” ipuina aukeratu dugu.

Azkenean, argi kutxa prestatzen hasi gara.

KUNARTE

Sartu aurretik, Rosik eta Ainarak ongietorria eman ziguten. Lehenengo partea teorikoa zen, hau da, antzerki konpaniaren aurkezpena egin ziguten eta, horretarako, eseri gara harmaila batzuetan. Haur hezkuntzako umeentzako antzerkiaren garrantziaz hitz egin ziguten. Gainera, azaldu ziguten ezinbestekoa zen umeak gizaki bezala tratatu behar ditugu eta hori dela eta, haien beharrak eta gaitasunak kontuan hartu behar ditugu. 

Orobat, erabilitako musika ere aipatu zuten eta nola garrantzitsua den giro ona eskaintzea umeek antzerkia disfrutatu dezaten. Horretarako, beharrezkoa da sarrera ona prestatzea haiek testuinguruan jartzeko. Horrez gain nola lantzen duten Teatro Paraiso-an nola lantzen duten azaldu ziguten, hau da, antzerkiak prestatu eta geroago, instalaziora eraman zituzten umeak (batzuetan haien gurasoekin) jolasaren bidez, artzerkian landutako gauzekin loturak egiteko. 

Azkenik, azpimarratu zuten Unibertsitatearekin eta Teatro Paraisoarekin dauden loturak mantentzen jarraitzearen beharra. Horregatik, koloretako zinta bat eman zioten bakoitzari harreman hori adierazteko eta 2 ekintza egin genituen harekin: alde batetik, zinta hori hartuz gure bizitza osoan bidaia bat egin genuen begiak itxita eta besteekin esperientzia partekatu genuen; beste alde batetik, orri batean irudi bat egin genuen zinta erabiliz eta batzuek orria ere modelatu zuten gogoeta edo emozio bat adierazteko.

Bigarrenik, igo ginen gaineko solairura ekintza batzuk egiteko. Hasteko, aurkezpena gisa, korro handi bat egin genuen eta banan-banan atera ginen geure burua aurkezteko mugimendu batez, erritmoz, etab. Gero, jolas bat egin genuen: korro berean, txalo bat pasatu genion elkarri eta batek "boing" esaten zuenean, beste aldera pasatu behar genuen txalo hori.

Jarraitzeko, Ainarak beste ekintza bat azaldu digu: korrotik atera behar izan dugu banan-banan eta inprobisatu behar izan dugu zer esango genuela, "Esta es la historia de ..." esanez eta objektu/pertsonaia hori adieraziz. Hori egin ondoren alboan geneukan pertsonarekin jarri gara eta batek 3 akzio aipatu du besteak keinuz adierazi dituen bitartean.

Beranduago, espaziotik zehar nahastu gara eta Ainarak egin duen erritmoa jarraitu behar izan dugu ibili garen bitartean. Gero, bikotekide bakoitzari eman dio korda bat eta harekin 4 eszena asmatu ditugu. Ondoren, 4 talde egin dugu eta bakoitzean, beste bi talde. Horietako talde bat elkartu da egin ditugun eszena desberdinañ adierazteko eta beste taldeak asmatu behar izan dute istoriotxo bat agerraldi horiek kontuan hartuta. Eta bukatzean, rolak aldatu ditugu.

Saioari bukaera emateko, klase osoa bi taldetan banatu gara eta talde bakoitzak zeuden materialarekin (kordak, telak, aulkiak, ipuinak, etab.) instalazio bat sortu behar izan dugu.

OSTEGUNA:

Bigarren egunean, goiko pisura joan ginen. Hor, borobilan jarri ginen eta binaka joan den egunaren jarduerak esan genuen.

Geroago, orria eman ziguten eta gure haurtzaroaren jantzi bat marraztu behar izan genuen. Beraz, marrazkiak zirkuluan jarri genuen eta gainerako lagunen marrazkiak ikusi genituen. Gainera, orriaren beste aldeagatik erlazionatutako hitzak idazten ditugu modarekineta gero istorioa asmatu behar genuen eta nor nahi zuen bere istorioa kontatzenzuen.

Ondoren, aisialdia utzi ziguten zerbait jateko eta bere agertokia preparatzeko. Atsedenaren ondoren, egongela nagusira sartzen gara eta harmailetan jartzen gara. Bi neskak haurren antzerkia irudikatu zuten eta dantza bat egin zuten. Artilea, oihalak eta ehundura desberdinak erabili zituzten.

Emanaldia bukatu zuenean dantzarie galderak egin ahal izan genizkien. Ateratzen ditugun konklusioak izan ziren:

·         Umeen baldintzak kontuan hartzea (adina, haien arteko erlazio, aldaketak...

·         Aldagaietara irekita egotea

·         Elementu gehiegi ez jartzea

·         Esperimentatzeko garrantzia

·         Ez du istorioa kontatzea behar

·         Umeek ikusten dutenaz gozatzen dute

·         Denboren garrantzia

HAUSNARKETA:

Nire ustez haien begirada kontuan hartu dezakegula, sentsibilitate honekin lanak obeto antolatu dituguelako. Beste aldetik, Kunarten dinamika edo esperientzia asko bizi genituen, gure proiekturako oso baliogarriak. Praktika eta teoria landu ondoren, ikuspegia zabaldu zaidala pentsatzen dut. Gainera instalazioen esperientzia lantzea oso inportantea iruditu zitzaidan: hainbat gauza esan zuten instalazioari buruz: jolasaren garrantzia, sarrera antolatzearen garrantzia, jostailuak ez ematea baizik eta jokua ematea…

Etorkizunari begira, Kunarten estrategia eta ideia asko eman zizkigutela pentsatzen dut. Besteokin lotsa kentzeko, “esta es la historia de…” oso ariketa ona dela iruditzen zait; agian 0-3 urteko umeekin ez da aproposa, baina bigarren zikloko haurrekin egiteko oso ona da.

Bukatzeko, “Ehunak” ikusitako obra harrituta laga zidan. Obran zehar material ezberdinak nola erabili zituzten baita nola egiten zituzten mugimenduak (dantzak) ere asko gustatu zidan. Halaber, espazioa uzten zuten hegan egitea irudimenari uzteko. Obra gozatzeko umeak bezala pentsatzeko gai izan behar genuen; hausnarketa hau, gure etorkizunari oso baliagarria iruditzen zait.

ESNATZEKO JOLASA BERRIRO

Ostiral honetako saioa jolas dibertigarri batekin hasi da. Egia esanda, esnatzeko jolas bezala balio izan du. Jolas hau egiteko, bi taldetan banatu gara; talde bakoitzak psikogelako koltxoneta bat hartu dugu. Koltxoneta hori, gimnasioko alde batetik bestera denon artean eraman izan behar dugu, koltxoneta ezin zuen lurra ikutu. Jarduera honen helburu nagusia talde lana garatzea izan da. Haur hezkuntzan kooperazioa baita taldeko lanak lantzea ere oso garrantzitsua da.

Geroago, ikasgelatik mugitu gara danbor bateko erritmoari jarraituz. Danborraren soinua gelditu ondoren, bakoitzak uztail baten barruan sartu behar zen. Azkenean bakarrik bi uztail geratu ziren eta klase osoa han sartuta egon behar ginen. Oso ariketa interesgarria izan da taldeko lana sustatzeko.

Bestalde, egunkariekin mozorroak sortu ditugu. Sormena garatzeko oso jarduera ona izan da. Mozorroak bukatu eta gero, pasarela batean (bankuak erabili ditugu) desfilatu egin dugu gure mozorroa denoi erakusteko. Nire kasuan sorgin baten erratza sortu dut.

Bukatzeko, taldeka, antzerki bat egin dugu gure egindako mozorroekin. Istorio oso politak eta desbirdinak atera dira, pertsonai berdinak talde guztietan egon arren.

Esan behar dut, antzerki hauek egitea oso baliogarriak direla. Hala ere, denbora oso gutxi daukagu antzerkiak egiteko, horregaitik oso azkar atera behar ditugu ideiak.

KUNARTE: hausnarketa

Egun on berriro! Sarrera honetan Kunarteri buruz hitz egingo dizuet!

Sarrarera honentan azteazkeneko eta osteguneko ekintzei buruz hitz egingo dut. Oso egun politak eta interesgarriak izan dira! Nire ustez horain arte egin ditugun jarduera politenak izan dira. Kunarte etxera joan gara!

Kunarten haurrei (0-6 urte) zuzendutako hainbat jarduera egiten dira. Antzerkiak, jolasak, tailerrak… egiten dituzte. Haurrarengan artearekiko zaletasuna pizteko modu oso interesgarria da. Haurra da antzerki konpainia honetako protagonista, baina ez dute eurek bakarrik gozatzen, helduek ere goza dezakete horrelako esperientziekin. Gainera, helduekin pasatzeko gonbidatzen dute haurrei, modu honetan haurrek segurtasun gehiago daukate.

Bi egun hauetan Rosi eta Ainararekin egon gara. Bi pertsonai hauek Teatro Paraisoko kideak dira. Antzepenetan parte hartzen dute, horregaitik oso modu egokian kontatu digute haien esperientziak. Halaber, oso ondo asaldu dute nola eraikitzen dituzte haien sorkuntzako prozesuak. Guk bezala, modu kooperatibo batean eraikitzen dituzte haien obrak, eta krisiak pasatzen dituzte sorkuntza prozesu hauetan.

Asteazkena, Kunarteri buruzko aurkezpen txiki batekin hasi zen (Rosi eta Ainara egin zuten). Egiten zutenari buruzko informazioa eman ziguten, eta haurrak nola tratatu behar ditugun azaltzeko aholku asko. Harrigarria iruditzen zait haurrarekiko duten begirada: haurra da beti antzezlaneko protagonista, haren parte bihurtzen dute… Haurrei buruz hitz egiteko duten sentsibilitateak arreta piztu zidan.

Beste aldetik, Haurrentzat gauza sinpleak egitea ez dela beharrezkoa azaldu ziguten: gauza abstraktuak izan daitezke. Haurrek ulertzen ez duten topikotik atera behar gara. Haurrak haien moduan gauza konplexuak interpretatu ahal dituzte.

Informazio guztia entzun eta gero, jarduerak egiten hasi ginen!

Hasteko, esan behar dut, Kunarten sartu baino lehen hari bat eman ziguten. Lehenengo jarduera hariarekin egin genuen: paper zuri baten gainean forma bat egin behar izan genuen hariarekin.

Geroago, begiak itxi behar izan genituen, eta haria esku artean genuela, gure bizitzan zehar gertatu zaigun bizipenen bat pentsatu behar izan genuen. Oso jarduera interesgarria izan zen kontzentrazioa lantzeko eta iraganeko esperientziak gogorarazteko. Hasieran asko kostatu zitzaidan kontzentratzea eta esperientzia batez gogoratzea.

Gure konzentrazioa piztu ondoren, beste jarduera egin genuen. Eman zizkigun paper zurian objetu bat irudikatu behar izan dugu. Nire objetua harrington jaka bat izan da; jaka hau erosi nuen duela urte asko eta oraindik janzten dut.

Jarraian, bideo batzuk ikusi genituen. Teatro Paraisoko antzezpenetako bideoak ziren, oso interesgarriak. Gero, bigarren solairura igo ginen. Bigarren solairuetan haurrak normalean tailerrak egiten dituzte, oso espazio irekia eta aproposa jarduerak egiteko da.

Hasteko, esan behar dut, egin ditugun jarduerak oso aproposak direla gure etorkizunean egiteko irakasle bezala.

Lehenengo jarduera, gure artean ezagutzeko ariketa izan zen. Borobil handi bat osatu ondoren, banaka gure gure izena esan eta keinu bat egin behar genuen, besteok keinu hori imitatu behar zuten.

Geroago, beroketa jarduera bat egin genuen. Horretarako aldameneko kideari pasatu behar genion gure energia, txalo baten bidez.

Jarraian, "Esta es la historia de..." jolasa egin genuen. Horretarako, banan-banan, erdigunera atera behar genuen eta esaldi hau esan: "esta es la historia de..." objektu bat, pertsona bat... gorputzarekin irudikatu behar genuen bitartean. Esan behar dut, gaizki pasatu nuela hasieran, lotsa ematen zidalako nire taldekideen aurrean zerbait irudikatzea nire gorputzarekin.

Hurrengo jarduera espazioan zehar ibiltzea izan zen, Ainarak markatzen zuen erritmoan.

Geroxeago, berriro borobil handi bat egin genuen. Ariketa hau bikoteka egin genuen. Bikoteko batek, hiru ekintza esan behar zituen eta bestea gorputzarekin egin behar zituen hiru ekintzak. Adibidez, lo egitea, telebista ikustea...

Hurrengo jarduera irudi izoztuen jarduera izan zen. Horretarako, bikoteka jarri ginen eta hari batekin lau egoera ezberdinak irudikatu genituen. Hau bukatu ondoren hiru talde handitan jarri ginen eta gure ikaskideei aurkeztu genien.

Amaitzeko, bi instalazio egin genituen aretoan zeuden materialekin. Bi taldeten banatu ginen eta talde bakoitzak instalazio bat eraiki behar zuen.

Bigarren egunean, Ostegunean, bigarren solairura igotzen hasiko gara. Aurkezpen gisa, binaka jarri ginen, eta aurreko egunean egin genuena komentatu genuen. Egun honetan bakarrik Rosirekin egon ginen.

Geroago, "Ehuna" antzezpena ikusi genuen. Obra honetan bi neska agertzen ziren. Dantzaren bidez ehun ezberdinak erakutzi ziguten. Azkenean, gonbidatu ziguten obran parte hartzeko. Hari bar eman ziguten eta egin zituzten instalazioan parte hartu izen genuen.

Hirugarren hausnarketa hau bukatzeko, esan behar dut, Kunarte ezagutzea horain arte egin dugun gehien gustatu zaidan jarduera izan dela. Nola ikusten dute haurtzaroa geratzen naiz, begirada hau irakasle guztiak eduki behar ditugu.

Beste aldetik, esan behar dut, guaza asko ikasi ditugula: Kunarte ez nuen ezagutzen eta modu ezberdina iruditu zait haurrek jolas sinbolikoaren, artearen edo irudimenaren bidez ikastea. Halaber, instalazioak ezagutu ditut (nola egin, zertarako balio dituzten, zer garatzen dituzte haurrek...). Haurrek obretan parte hartu ahal izatea ere oso interesgarria iruditu zait, eta nola gonbitu ahal dira haurrak obran parte hartzeko.

Honekin guztiarekin, esan behar dut, helduok ere goza dezakegu horrelako antzezlanez, baina garrantzitsua da haurren begirada izatea. Horretarako, haurrekin enpatizatu behar dugu, haien azalean jarri eta gure irudimena hegan egiten utzi, mugarik gabe (beraiek egiten duten bezala). 

Kunarten, oso inportantea da, libre sentitzea, ez epaitzea eta azalpenak ez bilatzen saiatzea. Esperientzia hau asko disfrutatu dut! Ziur nago ikasitako guztia erabiliko ditugula gure unibertsitateko lanetan.

BOSGARREN ASTEA: PERTSONAIAK IRUDIKATZEN

Gaur egungo klasean pertsonai asko irudikatu ditugu. Klasean zehar mugitu gara foka, soldadua, ume txikia, pertsona haserre, pertsona erronka bilatzen, pailazoa, txirula jotzen, oso urdurik dagoen umea, oso pozik dagoen umea, izoztutako pertsona bat, erraldoia eta  ipotxa izango bagina bezala.

Oso jarduera interesgarria izan da. Gainera, gure K6rako lotsa kentzeko oso baliogarria. Gure proiektuetan, pertsonaiak irudikatu beharko ditugu eta pertsonai hoiek ondo irudikatzeko lehenik lotsa galdu behar dugu.

Geroago, beste ariketa garatu dugu, jarduera honen helburua emozioak asmatzea izan da. Horretarako, bikoteka jarri gara bat bestearen aurrean. Bikoteko batek bakarrik aurpegiekin sentimenduak adierazi behar izan ditu. Bestea, emozio horiek asmatu edo errepikatu behar izan ditu.

Bestalde, “Telefono apurtua” jolasa egin dugu ere. Hiru taldetan klasea banatu ondoren, ilara batean jarri gara. Azkena zegoena mimikaren bidez akzio bat egiten zuen bere aurrean zegoenari; hurrengoa akzio hori erripikatu behar izan zuen bere haurrean zegoenari etabar, ilarako lehenera iritsi arte.

Bukatzeko, talde berdinetan filmak interpretatu behar izan ditugu. Besteok asmatu behar izan dituzte. Gure kasuan, high school musical, Jumanji, Harry Potter eta Grease antzeztu ditugu.

Esan beharra daukat, oraindik ez dudala oso ondo prozesua ulertzen, baina ariketa hauek oso baliogarriak izango dira gure proiekturako. Halaber, lotsa oraindik galdu beharko dut.

JOLAS BERRIAK

Asteazken honetan joku berriak garatu eta ezagutu ditugu. Honako hauek izan dira:

• Animalien jolasa: Klaseko ikasle bakoitzak animali bat irudikatu behar du. Klasean zehar ibili behar du animali hori egiten duen moduan. Helburua, animali berdina irudikatzen duen beste ikaslekin aurkitzea da.
• Domadorea: Bikoteko batek domadorea izan behar da eta bestea domadorea esaten duena bere gorputzarekin akzio horiek egin edo irudikatu behar du. Jarduera honetan helburu asko lantzen dira.
• Estatuaren jolasa eta zirkoa: Musika erritmoaren bitartez, klasean zehar ibili behar dugu. Musika entzuten ez dugunean, geldi geldi egon behar gara estatua bat bezala. Musika jotzen duenean berriro mugitu behar gara klase osotik. Geroago espaziotik ibili gara baina erritmoak aldatzen (azkar, oso azkar, motel, etzanda…)
• Oreka mantantzeko jarduera: Banku baten gainean klase osoa altuaren arabera ordenatu gara. Oreka mantendu behar genuen, leku aldaketa bat egiteko ezin genuen bankutik jeitsi. Geroago, adinen arabera ordenatu gara ere.
• 2D eta 3D zenbakiak irudikatu: Taldeka gure gorputzarekin zenbakiak zerotik bederatzirarte irudikatu behar izan ditugu. Halaber, talde berdinetan, 3 hitzak irudikatu behar izan ditugu ere. Esan behar dut, guar egin dugun gehien gustatu zaidan ariketa izan dela. Nire ustez, bigarren zikloko umeekin egiteko oso aproposa dela.
• Dantzatu eta imitatu: Talde osoa elkartu gara borobil handi bat egiten. Helburua dantzatzea eta imitatzea izan da. Horretarako, banaka, bakoitzak perkuzio eta dantza bat egin behar du; besteok mugimendu hoiek imitatu behar izan ditugu. Geroago, lehenik binaka, gero hirunaka eta azkenean talde osoa dantzatu dugu.
• Bukatzeko, erlaxazio saio bat egin dugu. Gaur irakaslearen jarraibideak hobeto entzun ditut. Oso gustora sentitu naiz.

LAUGARREN ASTEA: JARDUERA GEHIAGO EZAGUTZEN

Astelehen honetan jarraitu gara ariketak ezagutzen eta esperimentatzen. Klase praktiko hauek asko gustatzen zaizkit, nire etorkizunerako oso baliogarriak izango direlako. Nik nire buruarekin esperimentatu ondoren haurrekin gai izango naiz haiekin egiteko.

Lehenik eta behin, “Itzalen jolasa” egin dugu: bikoteka, bata bestearen itzala izan behar zen. Oso dibertigarria da baita espazioa eta gorputza ezagutzeko oso baliogarria ere.

Geroago, berriro bikoteka, hipnotitzaile jolasa egin dugu, espazio osotik ibiltzen. Harria, buztinezko eskultura eta siamesak jolasak egin ditugu ere. Siamesaren jolasa gehien gustatu zaidana izan da, horretarako, bikoteka siamesak bezala ibili gara klase osoan zehar; lehenik ipurditik itsatsita egon gara, gero bizkarratik, gero ukodotik…

Siamesaren jolasa bukatu ondoren, bikote berdinarekin (nire kasuan Sandrarekin), letrak eta hitzak bata bestearen bizkarran egiten ibili gara. Ariketa hau lehenen eta bigarren ziklikoko haurrekin egiteko aproposa da.

Azkenean, masajeak egiten bukatu dugu saioa. Gaur, masajeak egiteko, pilota txiki bat erabili dugu. Oso gustora sentitu nintzen.

GORPUTZA EZAGUTZARAKO ARIKETAK LANTZEN

Gaurko saioan hainbat ariketa eta jolasak landu ditugu. Jarduera hauek guk lehen personan esperimentatu ditugu. Nire ustez, jarduerak erakutsi ahal izateko lehenik ezagutu behar ditugu, horregaitik oso klase baliogarria izan da.

Hasteko, polizia eta hiltzailearen jolasa egin dugu (Kartetako jokoa bezala). Beraz, Maddi gure klaseko kide batek, polizia, herria edo konplize rolak banatu ditu. Nire kasuan, herria izatea tokatu zait. Oso barregarria izan da, hiltzaileak konplize asko egin ditudalako eta amaierarte ez gara konturatu nor zen hiltzailea. Jolas hau, 5 urteko gelan egiteko oso egokia da, baina rolak oso zehatzak egon behar dira.

Ondoren, orkestra jolasa egin dugu. Jolas hau espazio osotik mugitzeko balio du (espazioa ezagutzeko ere). Gorputzaren mugimenduarekin, irakasleak esaten zuena kopiatu egin dugu.

Georoago, ispiluaren aurrean aurpegi arraroak jarri behar izan ditugu. Gero, estatuaren jolasa egin ditugu ere. Estaruaren jolasa, bikoteka landu dugu, bietako bat estatua da eta bestea eskultorea. Eskultoreak estatuaren gorputza (besoak, hankak,,,) mugitu behar du berak nahi duen moduan.

Bukatzeko, erlajazio saio bat landu dugu. Asko maite dut erlajazio saioak, baina kasu onetan ez nuen oso ondo irakaslea entzuten.