NIRE AURKEZPENA

Kaixo guztioi! Ongi etorri nire blogera! Pablo Ramos Rodriguez naiz, Gasteizko Haur Hezkuntzako graduko laugarren mailako ikaslea. Unibertsitateko azken urte honetan erabaki dut Adierazpena eta Komunikazioa Dramatizazioaren bidez minorrean espezializatzea.

Zergatik ikasi dramatizazioaren bidez? Haur Hezkuntzan mugimendua eta artea oso garrantzitsuak dira. Gainera, beti gustatu izan zaizkit horrelako kontzeptuak: oso kirolzalea izan naiz beti, eta beti maite dut artearen historia.

Barregarria egiteko beldurra galtzeko beharra sentitzen nuen. Banekien publikoaren aurrean gauza batzuk egin beharko nituela: antzezten ikasi, dantzatu, abestu… Gauza hauek egiteko lotsa galdu behar da.

Bestalde, dramatizazioaren bidezko Adierazpen eta Komunikazio minorrean, bost irakasgai ikasten dira, Dramatizazio-adierazpenerako Informazio eta Komunikazio Teknologiak, Ikus-kultura, Musika Hizkuntza, Gorputz Hizkuntza eta Adierazpena eta Komunikazio Trebetasuna.

Portafolio honetan, bost ikasgaietatik hiru bakarrik aipatuko ditut: IKTak, Gorputz hizkuntza eta Komunikazioa. Hala ere, minor honetan ikasgai guztiek loturak dituzte, eta horrekin, blogaren bidez, ikasturtean zehar biziko dudan ikasketa prozesu luzea behatu ahal izango duzue.